...पत्रकार कवी...

खरं तर या विषयाला 'आजची पत्रकारिता' किंवा 'पत्रकारिता: काल, आज, उद्या' टायपातलं नाव सारखं सुचत होतं, पण अशा नावाखाली जनरली 'आज भारत देश एका नव्या वळणावर येऊन थांबला आहे, अशा वेळी..' वगैरे सुरूवात होते.. असो.
काल म्हणजे ८ एप्रिल, २०१०ला दैनिक सकाळ मधील कोण्या एका काव्यप्रेमी पत्रकाराची बातमी वाचली.. आयपीएलमधील 'कोलकाता नाईट रायडर्सच्या विजया'ची बातमी एकदम मस्त आली आहे.. '' दादाचा फ़िल्डिंगशी वादा ! ईडन गार्डनवर नाईट रायडर जिंकल्याने शाहरुख फ़िदा ! आयपीएल आव्हानाला गती ''
बहुधा हे हेडिंग सुचवणारा नवकवी असावा.. यमक वगैरे तत्सम गोष्टींकडे मुद्दाम दुर्लक्ष केलं असावं.. त्याच्याच शेजारच्या पानावरची आयपीएलचीच अजून एक बातमी -- 'लंबची लांब लांब टोलेबाजी !'
हे वाचून मी २२ विकेटने हारलो.. बातमीमध्ये तर अफ़ाट मनोरंजन करण्याचा प्रयत्न केला गेला आहे.. उदाहरणार्थ, ... गंभीर धावचीत झाला आणि मैदानावरील इतर दहा क्षेत्ररक्षक 'दादा'ला मिठी मारण्यासाठी धावले
... तरीही कोलकात्यासमोर 'विरू'चा अडथळा होता. 'विरू' गेल्याशिवाय 'जय' कसा मिळणार ( या कोटीनंतर मी भावनिक झालो )
हे सगळं इथे बोलण्यामागे उदात्त वगैरे काहीच हेतु नाही...फक्त आपल्या काव्यप्रतिभेला अशा ठिकाणी वाट मोकळी करून दिली की सगळा फ़िल निघून जातो बातमीतला, असं आपलं माझं एक मत... इतर पोश्टांमधून गंभीर विषयांवर बोलतच आहोत आपण, सो इथे जरा वेग़ळं..
असो. 'दादा-वादा'वालं हेडिंग वाचून मलाही शीघ्र कविता आली..

'दादा'चा 'फिल्डिंग'शी वादा !
इडन गार्डनवर नाइट रायडर्स जिंकल्याने शाहरुख 'फ़िदा' !
मैदानात घेऊन फ़िरला तो 'गदा' !
उड्या मारतो 'सदान्कदा' !
महाग झाला आता मैदा !
श्रीशांतच्या निराळ्याच अदा !
जाऊ दे, आता पोश्ट झाली जादा !
'दादा'चा 'फिल्डिंग'शी 'वादा', 'दादा'चा 'फिल्डिंग'शी 'वादा' !!
- ...गौरव दिवेकर...